週未狂歡

今日早上,行姐,米太太,前世,CoCo,Chun Chun Chun 同我一行六人到APM Jusco買野食,然後我地便浩浩蕩蕩衝上Chun仔仔的家.在Chun仔仔的家,我地食左一個好豐富的午餐.頭盤係salad及壽司,前菜係前世最撚手的三柸雞翼及DIY波蘿腸仔,主菜係Chun Chun Chun "四四五"意份對行姐的"拾下拾下"生菜.我地一邊食,一邊玩層層疊,一邊睇VCD,節目真係好豐富.

到左大約6點,米太太,前世,CoCo都各自離開,剩低行姐,Chun Chun Chun 同我,我地睇電視睇到10點左右,大家都決定留低陪Chun Chun Chun,於是大家都懷著小學生去camp的心情,好興奮地去711買日用品.之後我地三個傻婆一齊做mask,睇VCD,傾傾傾...,直到4點先去"覺覺豬"

真係好開心的一個週未,好享受跟朋友吃喝玩樂,傾計.因為快要走啦,所以我會更珍惜跟你地一起的一分一秒呀!