K歌K后

今日同爸爸慶祝生日,一清早,我跟MayMay,爸媽便到茶樓飲茶.下午我們走左去唱K.爸媽當然一定會唱他們的合唱飲歌"相逄何必曾相識".每次他們唱這首歌,就令我想起黃百鳴及吳君如...

我信愛,同樣怕會失去愛....

因為他們常常去K,所以他們越唱越好呀,真是新一代的K歌K后.媽媽今次的新歌試唱是

什麼意義,什麼意義...

真是聽得我同MayMay好開心呀!

原來我們都是這樣想的

今天晚上,我約了Chun Chun Chun 及行姐一起在新世紀廣場吃晚飯.大約七點十五分左右,兩個傻婆邊走邊笑來到我們約會的地點.因為明將太多人,我們便到鄰近的和庭食日本菜.

原來Chun Chun Chun 及行姐是經過千辛萬苦,左閃右避才可到來.一問之下,才發覺原來行姐跟我及Chun Chun Chun都有同樣的經歷.當我們一提起,大家都好有同感.大家都是講開又講,唔講開又唔會講,一講原來大家都好想講.講下講下...越講越開心,我們就是這樣講東講西,講南講北,一直講到十時左右才各自回家啊!

快樂的一天

今日好開心呀,因為爸爸送了一部相機比我呀,之前揀左一段時間,最後都是買了Canon IXUS 65(丹丹,多謝你,你唔駛幫我留意啦,不過唔知你覺得這一部好唔好呢?)其實我都幾滿意,因為有6.0 Mega pixels, 3X optical zoom,最好是有3.0 LCD呀,對我這個傻瓜來講,已經好夠用啦!我想我以後要影多D相,post 比大家睇啦!

今日下午本來約了Auntie Stella去佢的Club house一齊游水,但後來佢話有D唔舒服,所以最後我都係自己去游呀!但係游下游下發現一個好似相識的人在面前,原來是Auntie Stella,好開心呀,我知佢其實好忙,因為佢又要喂BB食"mom mom",佢又唔係好舒服,加上佢又肚餓,但係我想佢驚我一個游水好悶,所以都來配我啦!真是好開心,因為真是太耐無一齊游水呀!如果Auntie May都一齊游就更加好啦!