跟女強(長)人去書展

今天12:30左右我約左小音符去書展.可能係太早的關係,書展?不是太多人.係第一round?,因為我們只顧傾計,沒有認真的看書.所以我地再來一round,認真地看書.書展?的書比書局平八拆左右.本來我想買一些烹飪的書籍,但好似無咩心水,最後都係無買到.

我地逛左大約一個半小時.小音符買左好似有五本書.我就買左兩本.
"最後14堂星期二的課"及"我討厭王仁甫" (看完再給大家介紹啊!)

小音符買了一本叫"傻瓜的幸福與智慧".這本書有好多個小故事,每一個小故都有一些隱喻.因為這是一本好有意思的書,所以我向小音符借來先睹為快啊!多謝!多謝!

今天在書展見到Chris Pattern,佢好似好nice呀,D人一見到佢即刻飛撲過去,我差點被推倒啊!

去完書展後,我地往CWB閒逛,最後到左Pacific coffee坐下來傾計,傾下傾下我又了解小音符多左,我想佢也有同樣的想法呀!哈哈!

瘋癲喪狂family和盧海鵬有個約會

今天晚上我約左行姐,chun chun chun,小青青及可可豆去吃晚飯.因為可可豆放工後要去做"唔好理佢"的治療.所以我地就去左M記傾計,我地的話題又係離不開這期好紅的"葉旋".這個話題真係講十年都重有好多野要講.....

大約八點我地會合可可豆去大角咀新錦園大排檔吃晚飯.我地點左酥炸田雞,豉椒炒蜆,豉油好味蝦...

碟碟都好好味,好有鍋氣,真係食到"lam lam咀". 不過因為一件事情令到我地每個人都無駛胃口.好傷心,好hurt.這件事就係....

行姐不認家人

吃完飯後,我地帶著悲傷的心情到了大角咀一間名為"盧海鵬"的店鋪吃甜品.這間店鋪裝修一般,其實可以算是"up dup",但?面的甜品都OK呀,我地點左兩碗良粉及一碗芒果西米露.仰望著盧海鵬(張相)食甜品都算另有一番味道.

左閃右避之躲也躲不了

今日上午,我跟前世安排左一個天衣無逢的活動,前世心想這樣安排應該會是最安全?陣不過.但係我都重係忐忑不安,因為經驗告訴我,最完美的活動安排,都有漏洞的地方.果然不出我所料,不想發生的事情又再發生.今次真係逃又逃不過,躲也躲不了.令到前世在整個活動中都要扮演三七分面,我跟行姐的眼珠要在空氣中浮游.而chun chun chun 就最好,佢今次係無眼屎乾淨盲.

在心中......

今天下午約了一個同事吃飯,其實這個同事是令一個部門,之前跟開一個project,佢就係其中的一個user.有時去到佢的部門做事的時候,又會跟佢爹兩句.雖然不是好熟,但每次見面都會傾得好開心.因為佢知我就來走,所以請我食飯.

其實在我生命中偶會遇到一些好有心的朋友,雖然大家不會時常找對方見面,吃飯.但係在佢的心中,總有一點位置留給你,而自己也是一樣(係咪好痺呀?).

近來好多好朋友及我的"瘋癲喪狂"family都為我安排好多活動,真係好開心,又好唔捨得.真係要在此說一句多謝多謝......

再一次跟女強(長)人吃晚飯

今晚我又約了女強(長)人小音符吃晚飯.因為我地8:00pm才見,所以我地到處也找不到位置.所以最後只後只好到大家樂等位.等了差不多20分鐘才找到位呀!

我地兩人都點了燒春雞餐,在廣告上看到有香蕉船,十分期待,但係當日竟然售罄,真係掃興呀.最後香蕉船就被田螺代替,真係唔明白,點解一個美味甜點竟被海產類代替.好失望呀!

不過都無損我跟小音符吃飯的雅興.小音符今天好開心, 因為佢迷一般的事情終於變得明朗一點.恭喜呀!

按摩+足浴

媽媽的手手腳腳時常感到酸痛,除了因為是主婦常見的五十肩病之外,加上媽媽現在要照顧BB,實在是十分辛勞.所以今天我跟媽媽一起上按摩院.

這間按摩院是位於荃灣,有成二萬幾尺大的地方,?面的裝修都算整齊乾淨.我們首先做了一個45分鐘的腳底按摩.幫媽媽按的女師傅比較有經驗,時常會十分仔細講解為什麼這兒會比較痛等等,所以另到媽媽十分滿意. 而我只是覺得有點兒痛,好似對我起不了什麼作用. 45分鐘過後,媽媽好似意猶未盡,於是我們做了一個45分鐘的全身按摩. 可能是職業病的關係,按摩師按我脖子的時候,感到最痛楚.經過45分鐘後,我的脖子感到有點瘀痛,可能太用力的關係.不過又真是舒服了一點.而媽媽當然感到十分舒服,因為她的手腳長期勞損.

今天真係好Relax,因為做了90分鐘的按摩,離開按摩院時還感到腳步浮浮呢!