你知道嗎?你是最好的!

今天晚上,我跟Auntie Stella,爸爸,媽媽及樂樂豬一齊去新都會廣場的一間越南菜館吃晚飯.因為樂樂豬實在太可愛,所以好多Waiter,waitess都走來逗佢玩.每次出街都好多人逗佢玩,真係人氣太勁啦!簡直係人見人愛,車見車載.佢又真係幾低錫,又"dum"得我地幾鬼咁開心呀!

你(樂樂豬)知道嗎?你真是最好的!

懷舊之夜

在前幾個星期前,我們在Chun Chun Chun家中看飲食節目,於是行姐便抄低左幾間吸引的餐廳,決定找時間去試下新菜.

今日放工後,我跟Chun Chun Chun,行姐,前世及Co Co便到了其中一間在電視介紹過的懷舊餐廳-"油麻地美都餐廳"吃晚飯.我們點了馳名焗排骨飯,"感冒"雲吞,雜錦鍋麵及馳名蓮子紅豆冰.D食物都幾有水準,我們都幾滿意,雖然這間餐廳已經有好悠久的歷史,但是都幾乾淨呀!連我們不吃飯,只吃"Hi-Chew"的行姐都吃得一乾二淨(唔駛嫁豆皮老公啦)...

吃過晚飯後,我們便到廟街逛逛,看見很多販子在販賣不同的歡樂X商品,令Chun Chun Chun不敢大歎一句"世風日下..."!)

逛街過後,我們都未有歸家的意思,但又找不到一齣好戲用來消磨時間,於是我們又去唱K啦!Chun Chun Chun經過我們幾個星期的特訓之後,她已經識唱很多歌啦(痴心?對,都是你,當你孤單你會想起誰...!)Co Co要加油,努力聽歌呀,唔係行姐會罵你呀!

YMCA游泳夜

今晚跟丹丹及啤梨女一起到尖沙咀YMCA游泳,YMCA的泳池都幾好,有暖水呀(我們怕凍呀嗎).可能我們太耐無運動,又或者太懶,所以我們傾計多過游泳呀!哈哈!雖然我們認識很久,但是一起游泳的次數真是很少呀,我跟啤梨女更是第一次一起游泳呢!游泳過後,我們便到M記吃晚餐.聽啤梨女說,她星期日去了耕田(做義工),聽起來好似好辛苦,但又好似幾好玩,所以我跟丹丹決定將會去試試.希望我們唔會得過講字啦!

世界盃效應

今晚約了小音符,水哥伉儷,阿神伉儷及壽星仔666在別府食飯.因為他們話晚上沒有波好看,所以便約左出來食飯.但係佢地沒有預計到前一晚要睇3:00am那一場波,所以他們好像魂不付體一樣,胡言亂語,邊食邊打欠呵,好不容易才把這頓晚餐吃完.

各位睇還睇,要保重身體呀!

父親節快樂

今日係父親節,一大清早,爸爸已收了一份由Auntie May送的禮物.而我就同爸媽一起去茶樓飲茶.接著我就陪他們去選購父親節禮物,雖然說是父親節禮物,但其實是大家的都可享用的禮物.哈哈!到了晚上我們(包括BB)便到酒樓吃晚飯.好豐富呀,有肉,有魚,有翅,有龍蝦....不過爸媽不是吃得太多,因為掛住同BB玩.BB當晚好活潑,不斷攪東攪西,好得意呀.

其實吃什麼,有什麼禮物也不重要,因為BB已經是我們全家人的一份大禮物啦!