UFriend, 同事 Crossover

早上起?後,我同行姐繼續留在chunX3 家中,等待我的UFriend女長人到來.好開心,因為這個blog,另到我的同事及我的朋友可以互相認識.我地又再開大餐,今次有我最鍾愛的雞翼.好好味呀......

其實女長人,啤梨女,丹丹及我本來想約埋一齊去影相,但講左好耐,始終都未有行動呀.希望另一個UFriend+中學Friend的crossover可以攪得成事啦!

瘋癲喪狂family大戰阿拉斯加長腳蟹

今日放工後,我,chun chun chun ,前世,行姐,米及米太太去左chun chun chun仔仔家中開餐.食物好豐富,有印度chun chun汁薄餅,黑椒汁牛柳,唔知係咪阿拉斯加的長腳蟹,行米特色沙律及為我已設的太芝味意粉(真係太感謝).D食物太好好味,大家都食得好開心呀.

除左食野,我地重有玩扮野遊戲,chun chun chun實在扮得好神似,好好笑呀.

我地又在係chun chun chun家中過夜.本來聽日去耕田,因為落雨關係,我地決定留在家中,等待佢的來臨.

待續......

兩個chun chun chun走在一起

米太太本來比左兩張"何超演唱會"比我同chun chun chun.其實我對何超一點興趣也沒有,但據聞演唱會的嘉賓係一隊四人神秘男子組合.我想這隊神秘組合一定會係alive(有袓袓,凱凱,維維....好靚仔呀!).所以我地都計劃放工去睇.哈哈,但係到放工的時候,因我地太懶,提唔起勁去睇,最後都係決定去新城市三期食餐好.

我地去左加XX(唔記得個名)日本餐廳食晚飯.但係這間餐廳真係食人唔"nur"骨,價錢實在太貴,壽司要$3x一碟,雞翼要$2x一隻,餃子要$1x一隻.最後我地都係叫左兩碟壽司,兩碟手卷就埋單走人.多謝盛惠$12x.

因為未飽,所以我地去左KFC.每人兩隻雞翼,一柸特飲都係$4x.好抵食呀...

蟑螂豬扒炒烏冬

今日下午我跟一班同事加埋大人到第一城紫藤苑食lunch.本來我地可以開開心心食一餐,只可惜好景不常......可能大家都太累啦,所以我地都無刻意去逃逃逃.大家都抱著好又一餐,唔好又一餐的心態,結果又出事啦(真係好邪!)

話說我地叫左一碟豬扒炒烏冬,大家都覺得碟烏冬炒得太黑, 但都可以接受,於是各自把烏冬放進自己的碗內,開始進食.蘇哈係最後進食的一個,當大家都食得津津有味的時候,蘇哈突然大聲一叫"Oh!".坐係佢隔離的我,立即睇睇佢的表情,佢視意我睇佢碗中的烏冬,我當然按佢的指示去做,原來佢碗中有一隻瓜子般大的超"立令"黑色蟑螂.當時的我口中仍咬著一口烏冬,所以我一邊吐出我的烏冬,一邊忙著揮動我的手視意他們不要再食這些烏冬.由於我地已經無胃口去食其他食物,於是我地叫伙計取消這個蟑螂餐,已我地各人心中已把這酒樓列入超級黑名單當中.

今次唯一的生還者行姐是無食到碟烏冬.大家都各得佢好好彩,但其實佢都唔好得我地好多.因為佢在食飯前遇到一些更令人嘔心的事情.知情人事就會明白.而我更是唯一目擊整件事情的人.為左救佢,我重食左一隻好大的死貓.好飽呀!

跟女強(長)人去書展

今天12:30左右我約左小音符去書展.可能係太早的關係,書展?不是太多人.係第一round?,因為我們只顧傾計,沒有認真的看書.所以我地再來一round,認真地看書.書展?的書比書局平八拆左右.本來我想買一些烹飪的書籍,但好似無咩心水,最後都係無買到.

我地逛左大約一個半小時.小音符買左好似有五本書.我就買左兩本.
"最後14堂星期二的課"及"我討厭王仁甫" (看完再給大家介紹啊!)

小音符買了一本叫"傻瓜的幸福與智慧".這本書有好多個小故事,每一個小故都有一些隱喻.因為這是一本好有意思的書,所以我向小音符借來先睹為快啊!多謝!多謝!

今天在書展見到Chris Pattern,佢好似好nice呀,D人一見到佢即刻飛撲過去,我差點被推倒啊!

去完書展後,我地往CWB閒逛,最後到左Pacific coffee坐下來傾計,傾下傾下我又了解小音符多左,我想佢也有同樣的想法呀!哈哈!

瘋癲喪狂family和盧海鵬有個約會

今天晚上我約左行姐,chun chun chun,小青青及可可豆去吃晚飯.因為可可豆放工後要去做"唔好理佢"的治療.所以我地就去左M記傾計,我地的話題又係離不開這期好紅的"葉旋".這個話題真係講十年都重有好多野要講.....

大約八點我地會合可可豆去大角咀新錦園大排檔吃晚飯.我地點左酥炸田雞,豉椒炒蜆,豉油好味蝦...

碟碟都好好味,好有鍋氣,真係食到"lam lam咀". 不過因為一件事情令到我地每個人都無駛胃口.好傷心,好hurt.這件事就係....

行姐不認家人

吃完飯後,我地帶著悲傷的心情到了大角咀一間名為"盧海鵬"的店鋪吃甜品.這間店鋪裝修一般,其實可以算是"up dup",但?面的甜品都OK呀,我地點左兩碗良粉及一碗芒果西米露.仰望著盧海鵬(張相)食甜品都算另有一番味道.